sunae sach koi to sans bhi aahista leta hun
kahin mujh par zara bhi shak hua to mara jaunga

kisi se koi ab kyon mere marne ka sabab puchhe
ye jab tai tha ki main ne sach kaha to mara jaunga

utha ke main qadam bachta bhi kaise jaanta tha main
mere haq mein mera lab bhi hila to mara jaunga

sab aa ke lash par meri ab aansu kyon bahate ho
kaha to tha ki main haq par raha to mara jaunga

yahan aazad to hain sab na jaane kyon mujhe dar hai
ki aazadi samajh kar main jiya to mara jaunga

piye jate hain wan hasrat lahu insan hi insan ka
main bhule se bhi us jaanib gaya to mara jaunga