sune raaton kun gar jangal mein mere gham ki wawaila
to majnun qabr sen uth kar pukare aah ya laila

hamara khun-e-nahaq nin hua zaea are qatil
zamin se gul ho nikla aasman par ho shafaq phaila

hiran sab hain baraati aur diwana ban ka dulha hai
ba-har khilat kun uryani ki phirta hai bana chhaila

sharab-e-saf de ta saf ho saqi ghubar-e-gham
hamara dil nipat gard-e-kudurat se hai ab maila

'siraj' us shola-ru ki tang poshi kun kahan pahunche
ki hai jama badan mein shama ke fanus ka dhaila