suraj sitare chand jo barbaad ho gae
andhi sada ki qaid se aazad ho gae

shahr-panah tut ke lo ho gaya khandar
adh-kachchi aarzuon se hum shad ho gae

phir dhundhti phiregi ye pagal hawa kise
sune jazire hum se jo aabaad ho gae

laut aaenge parinde nai rut ke sath sath
qisse kahaniyon ke wo din yaad ho gae

izhaar chikhta nahin jazbaat mar gae
kaise khilaune shahr mein ijad ho gae