takhta-e-ab-e-chaman kyun na nazar aawe sapat
yaad aawe mujhe jis dam wo nigammud ka ghat

zindagani ka maza zer-e-falak ab na raha
ya-rab aisa ho ki mil jae kahin pat se pat

fann-e-kashti mein qayamat hai wo but gazir ka
dhum deta hai macha aawe hai jab dhobi pat

jate hi wadi-e-wahshat mein qadam mara main
chaman-e-dahr se dil apna hua jab ki uchat

khak-e-dehli mein kya jab se nasara ne amal
shor-e-gujar hi raha aur na hangama-e-jat

tark ghamze ka magar bar-sare-e-saffaki hai
us ke kuche se chali aati hai jab khat pe khat

qatl-e-ashiq ka jo hota hai irada us ko
pahle dekhe hai khar o gaw pe talwar ka kat

koi sikhe bhi qanaat ko to sag se sikhe
pad rahe hai wo ba-yak gosha diya raat ko chat

roz hangama hai is gumbad-e-nili ke tain
'mushafi' shak nahin bigda hai magar nil ka mat