takhta-e-mashq banun jaan-ba-sipar ho jaun
tu bata kaun sa chehra lun kidhar ho jaun

be-zabanon ki rifaqat bhi mayassar kar li
boliye aap ka manzur-e-nazar ho jaun

rah takte hue aankhen to adhuri thahrin
kahiye sarkar ki ab rahguzar ho jaun

meri aawaz se himmat ko jila milti hai
be-kasi tut pade main ki jidhar ho jaun

khair thahri hai zamane ke muafiq hona
hone ko ji nahin chahe hai magar ho jaun

jo baghawat pe waidon se nikhar jata hai
'farhat'-e-talkh-nawa tesha-nazar ho jaun