talluqat chatakhte hain tut jate hain
jab hum khulus-o-mohabbat ko aazmate hain

khushi ka ek naya zawiya ubharta hai
hum apne bachchon se jis waqt haar jate hain

shaghaf hai khub riwayat-e-raftagan se magar
hum ahd-e-nau ke tarane bhi gungunate hain

udas shab bhi amawas ki muskuraati hai
jo qumqume se nigahon mein jagmagate hain

hamare bich jo diwar uth rahi hai 'shifa'
chalo ki mil ke use aaj hum giraate hain