talluqat mein itna sa ehtimam to rakh na kar tu mujh se mohabbat dua salam to rakh bataun kaise tere hijr mein kate mere din tu ek shab mere ghar mein kabhi qiyam to rakh meri safai mein bhi shir-khwar bolenge tu ai zulekha mahal mein mujhe ghulam to rakh talash kaise karunga andhere mein tera ghar jala ke baam pe koi charagh-e-sham to rakh hai kitna mai se talluq mera batata hun surahi rakh mere aage tu pahle jam to rakh sukhan-shanas bithaenge sar pe 'gilani' tu un ke samne apna koi kalam to rakh