tamasha ahl-e-mohabbat ye chaar-su karte
dil-o-dimagh aur aankhen lahu lahu karte

wo raushni se bhari jhil ke kinare par
shikasta-ruh, darida-badan rafu karte

hamare bare mein taftish karna chahte the
to jaan-e-jaan parindon se guftugu karte

jamal-o-husn se labrez jab zamana hai
teri bisat hi kya teri aarzu karte

zamin pe chand sitare bichha ke ai 'hashim'
falak pe phul sajaane ki aarzu karte