taraqqi ka wo dawa kar raha hai
magar har shakhs faqa kar raha hai

wo dekhe hai makanat-e-bulandi
wo ujde ghar se parda kar raha hai

mafad-e-awwaliyyat chahne mein
wo insanon ka sauda kar raha hai

barabar mein kami beshi ko rakh kar
taraqqi ka irada kar raha hai

duhai de ke wo jamhuriyat ki
nizam-e-khwab ruswa kar raha hai

hue hukkaam ab sare lutere
dil-e-haalat nala kar raha hai