tauba ka pas rind-e-mai-asham ho chuka
bas ho chuka taqaddus-e-islam ho chuka

sham-e-haram tha gah gahe dair ka charagh
main zeb-e-kufr-o-raunaq-e-islam ho chuka

kothe pe chaliye lutf-e-shab-e-mah dekhiye
sab chandni ka farsh lab-e-baam ho chuka

din-dar barahman kahe kafir batae shaikh
donon taraf se morid-e-ilzam ho chuka

aksar mushaere pe hua bazm-e-gham ka shak
kya kya mere kalam pe kohram ho chuka

quran uthate hain tama-e-zar ke waste
din-dar agar yahi hain to islam ho chuka

kabe ko jate jate phire su-e-dair 'rind'
lo haj kar aae aap aur ehram ho chuka