tawil lagti ho gar rahguzar to jaane do
hua ho pairon ko mushkil safar to jaane do

phir ek roz sada ban ke hum bhi gunjenge
badan hamara khamoshi se bhar to jaane do

mujhe bhi ilm hai kitna bigad chuka hun main
dobara ban nahin sakta agar to jaane do

hamare sath agar hain to apne hi sae
jo dhundhte ho yahan par shajar to jaane do

banaenge kabhi khud ko karenge phir yakja
hamein tasalli se pahle bikhar to jaane do

tumhein bhi de ke jagah hath aazmaenge
magar guzishta ka is dil se dar to jaane do

ek ek nind ke jhonke ka badla lenge hum
tumhaari aankhon mein hum ko utar to jaane do

ye ehtiyat baratna tha ishq se pahle
ab is ke baad agar jae sar to jaane