tera ye lutf kisi zakhm ka unwan na ho
ye jo sahil sa nazar aata hai tufan na ho

kya bala shahar pe tuti hai khuda khair kare
yun sar-e-sham koi dasht bhi viran na ho

rang khushbu se juda ho to bikhar jata hai
dekhne wale mere haal pe hairan na ho

baat banti hai to phir aap hi ban jati hai
itni mayus muqaddar se meri jaan na ho

sikh is shahar mein jine ka saliqa 'amjad'
koi marta hai mare, aap ka nuqsan na ho