tere khayal ko mauj-e-rawan banate hue
main paniyon pe chali kashtiyan banate hue

mere wajud ke sahil pe khwab bunte hain
tumhaare hath shab-e-mehrban banate hue

tumhaare sath rifaqat ke khwab bunti hun
main taeron ke liye aashiyan banate hue

zamin se itni mohabbat hai mujh ko main har pal
zamin banati rahi aasman banate hue

rah-e-wafa mein teri bewafai ki had tak
main dhup dhup hui saeban banate hue