tere siwa kise dhundun sarab-o-sahra mein
teri hi zat ka partaw har ek tamanna mein

ye tishnagi to azal se hai ham-safar apni
main kal pahad par tishna tha aaj dariya mein

hain sard aah se jhonke hawa ke yakh-basta
guzishta rut si agan bhi nahin hai barkha hai

guzar guzar ke har ek lamha sang-zar hawa
bhatak raha hun main yaado ke ek ajanta mein

shab-e-hayat guzari sabhi ne khwabon mein
hum hi ko ras na aae habab dariya mein