tere wade pe e'tibar kiya
muztarib dil ne bar bar kiya

hum ne to is jahan-e-fani mein
ho saka jitna intizar kiya

us ko aana hai aaega lekin
kab qaza ne khayal-e-yar kiya

daman-e-ishq waqt ne aakhir
dekh to kaisa tar tar kiya

dil ke khas-khane jab sulagne lage
hum ne aankhon ko aabshaar kiya

teri majburiyan rahi hongi
thik hai hum ne e'tibar kiya

jal utha tur bujh gae dipak
hum ne khud ko 'faraaz' dar kiya