teri aankhon se dosti hui hai
tab kahin ja ke raushni hui hai

ab tujhe uzr kya hai aane mein
dekh barsat bhi thami hui hai

ye khasara to main utha chuki hun
ye mohabbat to main ne ki hui hai

sirf ye sham hi nahin hai sard
barf baaton mein bhi jami hui hai

tum se itna bhi kah nahin pai
tum se mil kar mujhe khushi hui hai

itne barham ho kis liye aakhir
kya mohabbat mein kuchh kami hui hai