teri gali mein tere jaan-nisar baithe hain nigah-e-lutf ke umid-war baithe hain zamin pe sar ko jhukae hue tasawwur mein misal-e-naqsh-e-qadam khaksar baithe hain na chhed hum ko khuda ke liye ki ai waiz hum apne fealon se khud sharmsar baithe hain firaq mein dil-e-muztar ka iztirab na puchh jigar ko thame hue be-qarar baithe hain rawana qafile wale to ho chuke 'raushan' hum intizar mein lail-o-nahaar baithe hain