teri surat mujhe batati hai yaad meri tujhe bhi aati hai us ke ek bar dekhne ki ada dil mein sau hasraten jagati hai mere dil mein wo aae hain aise jaise aangan mein dhup aati hai khwab mein jab bhi dekhta hun use nind aankhon se ruth jati hai apni marzi se hum nahin chalte koi taqat hamein chalati hai hum hain tahzib ke alam-bardar hum ko urdu zaban aati hai main to sahil hun mauj dariya ki mujh ko khud hi gale lagati hai