teri wafa ki haqiqat main aazma na saka
bahut qarib bhi rah kar main tujh ko pa na saka

padhi jo phone ki har samt rengti tahrir
main is ke baad kisi tarah muskura na saka

tere suluk pe shikwa nahin hai koi mujhe
main khud hi apni tamannaon ko daba na saka

tere karam mein kami ho kuchh aisi baat na thi
tere khulus ka main bar hi utha na saka

bahut khulus tha har chand meri baaton mein
wo apne tanz ka nashtar magar chhupa na saka