teri yaadon se gar ubar jaen ain mumkin hai phir ki mar jaen ya khuda rasta na manzil hai kuchh to batla de hum kidhar jaen tod kar bandishen riwajon kei ab chalo had se hum guzar jaen raat aawargi kei sadkon par ho gai subh ab to ghar jaen ishq walo do mashwara mujh ko gham ke mare hue kidhar jaen jism phir beach mein na aaega hum agar ruh mein utar jaen tishnagi hai magar suno jaana pyas itni nahin ki mar jaen dard itna hai meri aankhon mein aainen tut kar bikhar jaen