teri zulfon ke bikharne ka sabab hai koi
aankh kahti hai tere dil mein talab hai koi

aanch aati hai tere jism ki uryani se
pairahan hai ki sulagti hui shab hai koi

hosh udane lagin phir chand ki thandi kirnen
teri basti mein hun ya khwab-e-tarab hai koi

git bunti hai tere shahr ki bharpur hawa
ajnabi main hi nahin tu bhi ajab hai koi

liye jati hain kisi dhyan ki lahren 'nasir'
dur tak silsila-e-tak-e-tarab hai koi