thakan se rah mein chalna muhaal bhi hai mujhe kamal par bhi tha main hi zawal bhi hai mujhe sadak pe chalte hue ruk ke dekhta hun main yahin kahin hai tu ye ehtimal bhi hai mujhe ye mere gird tamasha hai aankh khulne tak main khwab mein to hun lekin khayal bhi hai mujhe usi ke lutf se marne se khauf aata hai usi ke dar se ye jina muhaal bhi hai mujhe sawad-e-sham-e-safar hai jala jala sa 'munir' khushi ke sath ajab sa malal bhi hai mujhe