thukrao ab ki pyar karo main nashe mein hun
jo chaho mere yar karo main nashe mein hun

ab bhi dila raha hun yaqin-e-wafa magar
mera na e'tibar karo main nashe mein hun

ab tum ko ikhtiyar hai ai ahl-e-karwan
jo rah ikhtiyar karo main nashe mein hun

girne do tum mujhe mera saghar sambhaal lo
itna to mere yar karo main nashe mein hun

apni jise nahin use 'shahid' ki kya khabar
tum us ka intizar karo main nashe mein hun