tir jo us kaman se nikla
jigar murgh-e-jaan se nikla

nikli thi tegh be-daregh us ki
main hi ek imtihan se nikla

go kate sar ki soz-e-dil jon shama
ab to meri zaban se nikla

aage ai nala hai khuda ka nanw
bas to na aasman se nikla

chashm-o-dil se jo nikla hijran mein
na kabhu bahr-o-kan se nikla

mar gaya jo asir-e-qaid-e-hayat
tangna-e-jahan se nikla

dil se mat ja ki haif us ka waqt
jo koi us makan se nikla

us ki shirin-labi ki hasrat mein
shahd pani ho shan se nikla

na-muradi ki rasm 'mir' se hai
taur ye is jawan se nikla