to hi na sune jab dil-e-nashad ki fariyaad phir kis se karen hum teri be-dad ki fariyaad teshe ki wo khat-khat ka na tha ghalghala yaro ki ghaur to wo thi dil-e-farhad ki fariyaad kal raat ko us shokh ki ja kar pas-e-diwar ek dard-e-faraham ne jo buniyaad ki fariyaad sunte hi kaha us ne ki han dekho to us ja kis ne ye bilakti hui ijad ki fariyaad fariyaad 'nazir' aage hi us ke hai bahut khub wan dekhne ka dekhna fariyaad ki fariyaad