tod ke nata ham-sajnon se pag pag wo pachtae hain jab jab un se aankh mili hai tab tab wo sharmae hain rup-nagar ko chhod ke jab se aas-nagar ko aae hain sahra sahra dhup kadi hai ped na koi sae hain jangal jangal aag lagi hai dariya dariya pani hai nagri nagri thah nahin hai log bahut ghabrae hain sachchai hai amrit dhaara sachchai anmol sahaara sach ke raste chal ke sab ne thor thikane pae hain daulat to hai aani-jaani rup-nagar ki ram-kahani dhan ke log bhi dharti par kab sukh se rahne pae hain shisha jab bhi tutega jhankar faza mein gunjegi jab hi komal desh dulare patthar se takrae hain jhut ka danka bajta tha jis waqt 'jamil' is nagri mein har raste har mod pe hum ne sach ke alam lahrae hain