tu ne jise banaya us ko bigad dala
ai charkh main ne apni ‘arzi ko phad dala

barbaad kya ajal ne mujh ko kiya ye kahiye
ruh-e-rawan ne apne daman ko jhad dala

dastar-o-pairahan gum aur jeb-o-kisa khali
tahzib-e-maghribi ne hum ko chithad dala

buniyaad-e-din hawa-e-duniya ne munhadim ki
tufan ne shajar ko jad se ukhad dala

achchha mila natija mujh ko murasalat ka
qasid ko qatl kar ke name ko phad dala