tujhe kahta hun ai dil ishq ka izhaar mat kijo
khamoshi ke makan mein baat aur guftar mat kijo

mohabbat mein dil-o-jaan hosh o taqat sab akarat hai
kaho koi aql kun ja kar bada bistar mat kijo

ewaz naqd-e-dua ke muft hai dushnam us lab sin
are dil ishq ke saude mein phir takrar mat kijo

use uncha hai zalim dam ne tujh mehrbani ke
hamare said-e-dil upar sitam ka war mat kijo

agar khwahish hai tujh kun ai 'siraj' aazad hone ki
kamand-e-aql kun hargiz gale ka haar mat kijo