tujh ko ye wahm hai ki wo teri nazar mein hain tufan barq-o-baad parinde shajar mein hain shayad kabhi hamari zarurat pade tujhe ab tak isi khayal se hum rahguzar mein hain sohbat bhi ahl-e-ilm ki karti hai sarbuland hum be-hunar hain halqa-e-ahl-e-hunar mein hain jhuk jae wo jabin to hamesha jhuki rahe kuchh aisi lazzaten bhi mere sang-e-dar mein hain shishe ke ghar bhi apni jagah khush-numa sahi lekin jo rahaten mere mitti ke ghar mein hain mahfil tamam jin ki nazar par hai multafit 'nasir' hamein hai fakhr ki un ki nazar mein hain