tujh se ab aur mohabbat nahin ki ja sakti khud ko itni bhi aziyyat nahin di ja sakti jaante hain ki yaqin tut raha hai dil par phir bhi ab tark ye wahshat nahin ki ja sakti habs ka shahr hai aur us mein kisi bhi surat sans lene ki sahulat nahin di ja sakti raushni ke liye darwaza khula rakhna hai shab se ab koi ijazat nahin li ja sakti ishq ne hijr ka aazar to de rakkha hai is se badh kar to riayat nahin di ja sakti