tukde tukde jab bat jaun sham gae
din ka sara qarz chukaun sham gae

ghar se chalte main ne aksar socha hai
shayad hi main lut ke aaun sham gae

sara din is uljhan hi mein bit gaya
kaise apna dil bahlaun sham gae

dhup ke mare logon ko bhi sahra mein
mil jati hai ped ki chhanw sham gae

kis kandhe par ashk bahaun sham gae
kis ko apne zakhm dikhaun sham gae

par phailae murgha bola mir-'ayaz'
jaga mere man ka ganw sham gae