tum se bichhad ke khud se bhi hum dur ho gae
gumnam ho ke aur bhi mashhur ho gae

ye aur baat tum na sahi dusra sahi
kuchh faisle to hum ko bhi manzur ho gae

shohrat jinhen mili thi hamari duaon se
qudrat ki shan hum se bhi maghrur ho gae

main ne to tum ko tut ke chaha tha jaan-e-jaan
tum jaane kis khayal se majbur ho gae

han apni shaeri pe hamein naz hai 'ghazal'
kahne ko apne khwab kai chur ho gae