tum shujaat ke kahan qisse sunane lag gae
jitne aae the jo duniya thikane lag gae

ud rahi hai shahr ke sare gali kuchon mein khak
jitne aashiq the wo sab khane-kamane lag gae

rengti karen ubalti bhid be-bas raste
kal mujhe ghar tak pahunchne mein zamane lag gae

us ne hum par ek mohabbat ki nazar kya dal di
hath jaise hum gharibon ke khazane lag gae

umr bhar karte rahe hum ek kuche ka tawaf
ek sae ke taaqub mein zamane lag gae

zindagi dene lagi parhez-gari ka sabaq
ab to hum jaise bhi sabzi dal khane lag gae