tumhaara adl-e-jahangir aur hi kuchh hai meri khata meri taqsir aur hi kuchh hai bayan-e-waiz-e-rangin-nawa hai khub magar hamare shahr ki taswir aur hi kuchh hai kitab mein jo likha hai durust hai lekin hamare khwab ki tabir aur hi kuchh hai hasin-tar hai farogh-e-nazar hai husn-e-jahan tumhaara husn-e-hama-gir aur hi kuchh hai sukhan-waron ne izafe kiye ghazal mein bahut maqam-e-mir-taqi-'mir' aur hi kuchh hai