tumhein tumhaari ziya mubarak hamein hamari ana mubarak
khuda mein uljhe namaziyon ko khuda mubarak khuda mubarak

mujhe pata hai ki is pate par tumhein milegi faqat tabahi
magar tum aashiq nae nae ho tumhein sanam ka pata mubarak

bujhe charaghon ke anjuman mein mujhe mubarak ghamon kei raaten
tumhein mubarak nashat ke din aur aaftabi ziya mubarak

mujhe mubarak qarib aa kar gale laga kar bichhadne wale
tumhein mubarak habib sare aur un ki mehr-o-wafa mubarak

kyon aise mudde utha rahe ho ki baad mein koi masala ho
magar jo teri yahi hai chahat tere labon ko gila mubarak