tum ne kaisa ye rabta rakkha
na mile ho na fasla rakkha

nahin chaha kisi ko tere siwa
tu ne hum ko bhi parsa rakkha

phul khilte hi khul gain aanhken
kis ne khushbu mein saneha rakkha

tu na ruswa ho is liye hum ne
apni chahat pe daera rakkha

jhut bola to umr bhar bola
tum ne is mein bhi zabta rakkha

koi dekhe ye sadgi apni
phul yaadon ka ek saja rakkha

'sad' uljha raha magar us ne
tujh se milne ka rasta rakkha