uljha na mere aaj ka daman kabhi kal se
mangi na mere dil ne madad tul-e-‘amal se

un ki nigah-e-mast hai labrez-e-ma'ani
milti hui tasir mein 'hafiz' ki ghazal se

idrak ne aankhen shab-e-auham mein kholin
waqif na hua raushni-e-subh-e-azal se

darja mutahayyar ka hai be-khud se firotar
hai ruh ko ummid taraqqi ki ajal se

bahs-e-kuhan-o-nau main samajhta nahin 'akbar'
jo zarra hai maujud hai wo roz-e-azal se