umr bhar parkha mohabbat se ada se pahle us ne thukra diya phir mujh ko khata se pahle ab to ek rasm-e-mohabbat hai mohabbat kab hai warna jata nahin ye rog qaza se pahle aaj ke daur ka insaf to dekhe koi hai yahan hukm-e-saza azm-e-khata se pahle kitna tadpega koi aalam-e-tanhai mein tum ne socha bhi nahin tark-e-wafa se pahle naz hai apne muqaddar pe hamein ai 'ambar' wo ata karta hai har chiz dua se pahle