wo mehrbani-e-yaran-e-mehrban na kaho
hamare samne mazi ki dastan na kaho

chhupao aankh ke aansu kisi bahane se
ye raaz-e-dil hai ise to yahan wahan na kaho

jo dil dukhae kabhi dost ho nahin sakta
jo raund dale chaman us ko baghban na kaho

bhatakta chhod diya jis ne sab ko raste mein
murawwatan bhi use mir-e-karwan na kaho

bahaaren lut rahe hain tamam wo 'ambar'
hamein ye hukm khizan ko bhi tum khizan na kaho