umr kat jaegi apni to ye hajat karte
tujh ko chae pe bulate teri dawat karte

un ko gar ek nazar dekh liya jata to
wo hamare hi qabile ki himayat karte

tum ne hi hath badhaya tha hamari jaanib
warna hum aankh milane ki na jurat karte

wasl ki sham mayassar jo hamein ho jati
raat-bhar hum teri ji bhar ke ibaadat karte

zakhm jitne bhi the sine mein wo bahar late
aur har ek ko samajhne mein suhulat karte