umr ke lambe safar se tajraba aisa mila
dhup jab bhi sar pai aai lapata saya mila

dekhna hai aks mujh ko apna pura hi magar
jab mila wo aaina mujh ko zara tuta mila

hanste chehron ki kahani jaanti hun khub main
jis ko bhi parkha wahi tuta mila bikhra mila

jal rahe hain panw ek muddat se rahat ke liye
jis taraf bhi main gai tapta hua sahra mila

raat din mangi dua jis ham-safar ke waste
mere jite ji wo mera marsiya padhta mila