unhen maqsud agar tark-e-watan ki aazmaish hai
to hum samjhenge ab rasm-e-kuhan ki aazmaish hai

wo kya koi sikandar hain jo ye elan karte hain
hamari fard mein dar-o-rasan ki aazmaish hai

muhibban-e-watan hain hum hamari aazmaish hai
hamein darkar khud nang-e-watan ki aazmaish hai

sukhan-dan ko bhi shayad imtihan maqsud hai apna
jo har har lafz mein baba-e-fan ki aazmaish hai

'ziya' ke zehn mein taqid-e-lafzi hai to hairat kya
use bhi apne aala fikr-o-fan ki aazmaish he