unwan hazaron hain ghazal koi nahin hai jhilon ke manazir mein kanwal koi nahin hai ai kash koi dekhe mere zabt ka aalam be-kal hun magar mathe pe bal koi nahin hai har chand ke hum log hain firdaus ke khaliq duniya mein magar apna mahal koi nahin hai haq baat kaho jab bhi kaho jaan-e-tamanna ye baat hai wo jis ka badal koi nahin hai haalat ki daldal mein dhansii jati hai 'mani' ab sakit-o-jamid hai amal koi nahin hai