use malal ho kya dost ki judai ka
jo sah chuka ho gham-o-ranj aashnai ka

bhalai mein bhi nikala sabab burai ka
bana diya hai adu ne pahad rai ka

ye chand-tare ye suraj hain kya dariche hain
tujhe bhi shauq hai goya ki khud-numai ka

tadapta dekh ke charke lagae bismil ko
sitam to thik pa aalam teri dhitai ka

main jab yahan se gaya mere hath khali the
hisab le liya duniya ne pai pai ka