usi ke hath mein sara jahan hai
zamin jis ki hai jis ka aasman hai

gharibi bhuk bimari sharafat
tumhaari aur hamari dastan hai

tumhein tark-e-talluq se mila kya
zara socho to ye kis ka ziyan hai

azal se main usi ka ho gaya hun
ki jis ke hath mein sara jahan hai

ise chhuna nahin aasan itna
bulandi par mera hindostan hai

bahut si uljhanen hain phir bhi 'nashtar'
hamara qafila ab bhi rawan hai