us ke aage haal dil ka an-kaha rah jaega qurbaton ke darmiyan bhi fasla rah jaega rut zara badli to ud jaengi sab murghabiyan tu akela sabza-zaron mein khada rah jaega wo guzar jaega jhonke ki tarah dahliz se aur shahr-e-dil mein aashob-e-hawa rah jaega tu na kar paega us ko rokne ka hausla bhigi aankhon se use bas dekhta rah jaega ek din haalat us ko dur kar denge 'matin' tere is sune makan mein ratjaga rah jaega