us ki aamad ke liye khud ko tarasta dekhna
hae hasrat se tera parde ko hilta dekhna

roz teri khoj mein phirna mera yun dar-ba-dar
roz apne sae ko bahar bhatakta dekhna

hai badal jata ye lahja roz meri aankh ka
aankh ka dariya wo chadhta aur utarta dekhna

dheh na jae ghar tera jaanan zara rakhna khayal
meri aankhon se mera sawan barasta dekhna

'gul' ka to ye dil kahan rah paega ab tere bin
dil mera khud ke liye phir se machalta dekhna