wabaal-e-jaan har ek baal hai myan
talluq dil ka kya janjal hai myan

talab mein kaun duniya ki ho pamal
ye baitulmal kuchh bhi mal hai myan

ye kala-e-jahan ka munh ho kala
agar samho to ji ka kal hai myan

suna hoga jo kuchh majnun ka ahwal
wahi apne bhi hasb-e-haal hai myan

tadap kar ru-ba-ru hum us ke mar gae
na puchho kya mera ahwal hai myan

qadam rakhte tumhaare dil tadap gae
ye koi chaal hai bhaunchaal hai myan

nahin jata dafali-pan ka sauda
ajab sir par mere dhammal hai myan

khula kab maulwi se uqda-e-dil
bahut ye masala ashkal hai myan

agar hai qaul to masum ka hai
siwa is ke to qil-o-qal hai myan

'raza' kya mil gae us jang-ju se
tumhaara aaj chehra lal hai myan