wafa ke jurm mein aksar pukare jate hain
hum ahl-e-ishq mohabbat mein mare jate hain

hamari lash to girti hai jang ladte hue
magar jo pith pe barchhe utare jate hain

amama sajta hai aakhir amir-e-shahr ke sar
hamare jaise aqidat mein ware jate hain

main rok sakta nahin khak ko bikharne se
samundaron ki taraf chal ke dhaare jate hain

bhale ho kar-e-mohabbat ya kar-e-duniya 'zubair'
hamare sath hamesha khasare jate hain