wahshat diwaron mein chunwa rakkhi hai
main ne ghar mein wusat-e-sahra rakkhi hai

mujh mein sat samundar shor machate hain
ek khayal ne dahshat phaila rakkhi hai

roz aankhon mein jhute ashk bilota hun
gham ki ek shabih utarwa rakkhi hai

jaan rahti hai paper-weight ke phulon mein
warna meri mez pe duniya rakkhi hai

khauf bahana hai 'saqi' naghme ki lash
ek zamane se be-parda rakkhi hai